كيف أقرأ فاتورة الذهب؟
وش لازم يكون في فاتورة الذهب في السعودية: الوزن والنوع والوصف والسعر والضريبة، ورمز الفاتورة الإلكترونية، ووزن الذهب لحاله إذا فيها أحجار.
باختصار: فاتورة الذهب لازم يكون فيها اسم المحل وعنوانه وسجله التجاري، وتاريخ البيع، ووزن القطعة ونوعها ووصفها وسعرها، والمبلغ شامل الضريبة. وإذا فيها أحجار أو مواد غير ثمينة أكثر من 5% من الوزن، يتكتب وزن الذهب لحاله.
وش تشيكين عليه في الفاتورة
- الوزن: بالجرام، ويطابق اللي انوزن قدامك.
- العيار: 24 أو 22 أو 21 أو 18، ويطابق الدمغة على القطعة (999، 916، 875، 750).
- نوع القطعة ووصفها: غويشة، طقم، خاتم… وأي أحجار فيها.
- السعر والضريبة: السعر قبل الضريبة، والضريبة 15%، والإجمالي.
- المصنعية: بعض المحلات تكتبها لحالها. إذا ما كتبوها، اطلبيها، أو احسبيها من الفاتورة.
احسبي المصنعية من الفاتورة
خذي السعر قبل الضريبة، واطرحي منه قيمة الذهب بسعر يوم الشراء (الوزن × سعر جرام العيار)، واقسمي الباقي على الوزن. أو اكتبي الوزن والعيار والسعر في فحص العرض.
الرمز في الفاتورة (QR)
الفواتير الإلكترونية المبسطة في السعودية عليها رمز استجابة سريعة حسب نظام الفوترة الإلكترونية (فاتورة) من هيئة الزكاة والضريبة والجمارك. الرمز يحمل بيانات أساسية مثل اسم البائع ورقمه الضريبي ووقت الفاتورة وإجماليها والضريبة.
الرمز ما فيه الوزن ولا العيار، فهو يأكد الإجمالي والتاريخ بس. في غوايش بلس تقدرين تصورين الفاتورة ونقرأ منها الوزن والعيار والسعر، ونتحقق إن إجمالي الرمز يطابق المكتوب.
احتفظي بالفاتورة
وزارة التجارة توصي المستهلك يحتفظ بفاتورة الشراء دائمًا. تفيدك في الضمان والاستبدال، وعند البيع بعض المحلات تطلبها، وتحسبين منها كم دفعتي فعلًا.
اسم المحل اللي تكتبينه في تطبيق غوايش يبقى خاص فيك، وما نعرضه لأي أحد.